आयुष्य सुंदर आहे

मित्रानो ,
खरंच आयुष्य सुंदर आहे

सुर्य जेव्हा आकाशात
तळपत असतो रागाने ,
... इवलसं फ़ुल सांगतं त्याला
"पहा पण प्रेमाने !"

ढग जेव्हा दु:खी होतात
आणि बरसू लागतात धारा!
ढगाच्या दु:खावर तेव्हा
फ़ुंकर घालतो वारा !

चंद्र एकटाच पडतो आकाशात
दर्दभरी गात गाणी !
चांदण्या चमकत सोबत करतात
उत्साहाची भरुन वाणी!!

पानं, फ़ुलं, झाडं सारी
आपल्यासाठीच गात असतात ,
ओढे, नद्या, नाले, सागर
आपल्यासाठीच वहात असतात!

खरंच आयुष्य सुंदर आहे,
बघा जरा डोळे उघडून !
बघा एकदा तरी
आनंदाचं गाणं गाऊन !!