आयुष्य सुंदर आहे

मित्रानो ,
खरंच आयुष्य सुंदर आहे

सुर्य जेव्हा आकाशात
तळपत असतो रागाने ,
... इवलसं फ़ुल सांगतं त्याला
"पहा पण प्रेमाने !"

ढग जेव्हा दु:खी होतात
आणि बरसू लागतात धारा!
ढगाच्या दु:खावर तेव्हा
फ़ुंकर घालतो वारा !

चंद्र एकटाच पडतो आकाशात
दर्दभरी गात गाणी !
चांदण्या चमकत सोबत करतात
उत्साहाची भरुन वाणी!!

पानं, फ़ुलं, झाडं सारी
आपल्यासाठीच गात असतात ,
ओढे, नद्या, नाले, सागर
आपल्यासाठीच वहात असतात!

खरंच आयुष्य सुंदर आहे,
बघा जरा डोळे उघडून !
बघा एकदा तरी
आनंदाचं गाणं गाऊन !!

तिन्हीसांज

निळे निळे डोंगर असतात
गार गार हवा असते
नागमोडी वळण घेत
सडक आपल्याच नादात असते

... संध्याकाळची वेळ असते
प्रकाशाची धार जाते
पाखरांची भिरी
घराकडे परतत असते

तिन्हीसांज कशी असते ..?
जांभळ्या रंगात भिजत असते
झाडा -पानाना
गच्च आपल्या मिठीत घेते

आपले आणि परक्यांमधला फरक

आज कळाले आपले आणि परक्यांमधला फरक काय असतो,
आज कळाले जिव लावणारे आणि मज्जा घेणारे किति असतात ते.
शेवटि आपले पण काहि कामाचे नसतात,
ते पण फक्त स्वार्थि असतात.
ज्यांना आपले मानतो,
ते कधि आपले नसतात.
आणि खरे तर ज्यांना परके करतो,
तेच अशा वेळि कामाला येतात.
खरचं कधि कधि आपण किति चुकिचे वागतो,
नेहमि चुकिच्या व्यक्तिंवरच विश्वास ठेवतो.

स्वप्नात कुणाला असंही बघु नये

स्वप्नात कुणाला असंही बघु नये
की आधाराला त्याचे हात असावे
तुटलेच जर स्वप्न अचानक
हातात आपल्या काहीच नसावे

... ...कुणाला इतकाही वेळ देवू नये
की आपल्या क्षणाक्षणावर त्याचा अधिकार व्हावा
एक दिवस आरशासमोर आपणास
आपलाच चेहरा परका व्हावा

कुणाची इतकीही ओढ नसावी
की पदोपदी आपण त्याचीच वाट बघावी
त्याची वाट बघता बघता
आपलीच वाट दिशाहीन व्हावी

कुणाचे इतकेही ऐकू नये
की कानात त्याच्याच शब्दांचा घुमजाव व्हावा
आपल्या ओठातूनही मग
त्याच्याच शब्दांचा उच्चार व्हावा

कुणाची अशीही सोबत असू नये
की प्रत्येक स्पंदनात ती जाणवावी
ती साथ गमावण्याच्या केवळ भीतीने
डोळ्यात खळकन अश्रू जमावी

कुणाला इतकाही माझा म्हणू नये
की त्याचे 'मी पण' आपण विसरुन जावे
त्या संभ्रमातून त्याने आपल्याला
ठेच देवून जागे करावे.

माझ्यातला मी

माझ्यातला मी नेहमी तुझ्यात शोधात राहिलो

म्हणून स्वतालाही भेटायचं राहून गेल

दोन हृदय आणि आणि एक जीव कसे होणार

तरी वेड माझ मन सतत प्रयत्नात राहिलं